Bokmelding: Katastrofedagbøkene 3 – Flukta frå dustefamilien

Ei bok om søskenbarn, mordarar og irriterande småungar.

Ein gut som heiter Samson (9) får besøk av søskenbarnet sitt, Storm, som er nokre år eldre. Han skal byrja på ungdomsskulen. Samson synest at det eldre søskenbarnet er byrja å bli kjedeleg for han vil berre sitja på mobilen sin. Samson vil at dei skal leika som dei gjorde før. Han prøver det han kan for at det skal skje.

Når Storm blir meir oppteken av søstera til Samson og vennina hennar, blir Samson lei seg og stikk av ut i skogen. Der treff han ein skummel framand mann som står med ei snømåke i handa. Denne mannen har eit rykte på seg for å vera ein mordar som har begravd offera sine i hagen… Kva kjem til å skje med Samson?