Dette er reglane i dag:
- Det er dei same reglane for små elektriske framkomstmiddel som sparkesykkel, hoverboard og segway som sykkel.
- Det er lov å køyra på fortau og gangveg, men du må ta hensyn til dei som går og avpassa farten etter dei som går.
- Til liks med syklande, har brukarar av små elektriske køyretøy vikeplikt for bilar i fotgjengarfelt. Viss du går av og leier sykkelen, så gjeld reglane som for gåande. Då er det bilane som har vikeplikt for deg.
LES FAKTALUKK FAKTA
I fleire av dei store byane i Noreg er det elsparkesyklar til leige fleire stader. Den store bruken av elsparkesyklar har ført til fleire ulukker. I løpet av fire månader i Oslo i fjor blei det meldt om 337 skadde personar etter ulukker med elsparkesyklar.
Dei mange elsparkesyklane har også ført til at fleire fortau er fulle av elsparkesyklar.
Oslo har no byrja å samla inn feilparkerte elsparkesyklar, og seier dei vil krevja gebyr etter kvart.
