Når kampen mellom Noreg og Frankrike var halvspelt, låg dei norske handballjentene under 12–16. Berre to minuttar ut i andreomgang, var stillinga 16–16.
Etter å ha levert tidenes andreomgang og snuopperasjon, kunne dei norske jentene jubla for VM-gullet og eit sluttresultat som viste heile 29–22.
– Dette var heilt sjukt å vera med på. Eg trur ikkje eg har vore med på ein liknande finale, sa Nora Mørk til TV 2 etter sigeren.
Femte VM-gull
Veronica Kristiansen var enig med lagvenninna si.
– Det er herleg, sinnssjukt herleg. Herregud, for eit lag me har, sa ho.
Dette er Noregs første VM-gull sidan 2015, og dei norske handballjentene står no med totalt fire VM-gull. Dei er frå 1999, 2011, 2015 og sist men ikkje minst – 2021.
Feirar med allsang
Camilla Herrem som har vingposisjon på landslaget, har ein heilt spesiell tradisjon for korleis ho feirar medaljane til det norske laget. Ho syng nemleg «Tore Tang» – og i år var intet unntak.
Her kan du sjå feiringa hennar:
