Beintøft 2021:
- Over 2200 klassar og 53 000 elevar har deltatt i aksjonen
- Dei har gått totalt 1 079 462 kilometer
- Dette tilsvarar 27 gonger rundt jordkloden
- 143 583 kg CO2 er spart
– Det er fantastisk å sjå kor mange engasjerte barn det er rundt omkring i heile landet. På ein månad har dei gått over 1 million kilometer, noko som tilsvarer 27 gangar rundt ekvator! Saman har dei verkeleg trått til for klimaet og miljøet, seier prosjektleiar Kaspar Tjeldflaat Steudel i Miljøagentene i ei pressemelding.
I løpet av dei siste fire vekene, har 53 000 elevar deltatt i Beintøft-aksjonen.
Les også: Klassen vann Beintøft-aksjonen i fjor: – Me vil vinna i år også
Årets tøffaste klasse
Aksjonen blir arrangert av Miljøagentene og er Noregs største gå-til-skulen-aksjon. Gjennom kampanjen blir alle grunnskuleelevane i Noreg oppmoda til å gå, sykla eller reisa kollektivt til skulen.
Årets tøffaste klasse, som gjekk heilt til topps i konkurransen var 3B ved Kyrkjevollen skule i Sandnes kommune. Dei stikk av med 30.000 kroner som skal komma heile klassen til gode og bidra til vidare aktivitet.
I tillegg får dei beste 1.–7. klassane nasjonalt ein premie til ein verdi av 5.000 kroner. Det same får dei beste klassane i kvart fylke.
Enkelt å gjera ei forskjell
– Pengane kan til dømes brukast på nye sykkelstativ, sparkesyklar til heile klassen eller søppelkasser i skulegarden, seier Steudel i Miljøagentene.
Han håper barna kan inspirera foreldra til å la bilen stå litt oftare.
– Barna viser kor enkelt det er å gjera ein forskjell. Me håpar at dei inspirerer foreldra til å velja ein miljøvennleg reiseveg i kvardagen.
