– Dette har vore eit annleis-år på alle måtar. Eg er utruleg takksam for alle som har bidratt i kampen for å ta vare på havet og menneska som er avhengige av det, seier Karoline Andaur, generalsekretær i WWF Verdas naturfond i ei pressemelding.
Digitale bøsseberarar over heile landet har lagt ut på Noregs største digitale folkevandring i dei siste vekene og dagane.
Mange barn og skular har samla inn pengar gjennom loppemarknad, kafe og andre måtar å samla inn pengar. Det digitale lotteriet til Moster skule på Bømlo samla inn 116.500 kroner til kampen mot plast i havet.
Her kan du sjå kor mykje pengar innbyggjarane i kommunen din gav i snitt!
50 millionar frå regjeringa
Søndag var sjølve TV-aksjonsdagen med aksjonssendinga på NRK. Statsminister Erna Solberg deltok også på sendinga til TV-aksjonen, og fortalde at regjeringa støtta TV-aksjonen med 50 millionar kroner i år. Det er 10 millionar meir enn dei har gjort tidlegare.
Søndag kveld delte statsministeren eit bilete frå Runde fuglefjell i Herøy som viser eit fuglereir bygd av plast.
«Det eksemplifiserer godt hvordan plast i havet ødelegger og dreper naturen. Det kan vi ikke akseptere», tvitrar Solberg, som oppmoda folk til å støtte WWF.
Dette bildet tok NTBs fotograf @heiko_NTB da jeg besøkte Runde fuglefjell i Herøy i 2019. Det eksemplifiserer godt hvordan plast i havet ødelegger og dreper naturen. Det kan vi ikke akseptere. Vi må rydde opp. Hele verden må være med. Støtt TV-aksjonen og kampen mot plast i havet pic.twitter.com/SA46cA547G
— Erna Solberg (@erna_solberg) October 18, 2020
