Batterijakta er ein klassekonkurranse for 4. klasse. Målet er å samle inn brukte hushaldsbatteri og sørge for at dei blir vunne att i staden for at dei går i boset, eller endå verre – i naturen. Målet er å skape gode miljøvanar og eit auke engasjement i skulen.
– Vi er ganske sikre på at den fantastiske innsatsen til fjerdeklassingane dei siste åra har vore med på å bidra til den utrulege endringa, seier prosjektleiar Julie Vestgren Pettersen ivrig.
Før Batterijakten starta i 2013 vart berre 1 av 3 batteri vunne att. Dei siste sju åra har denne trenden snudd, og i dag blir 4 av 5 hushaldingsbatteri levert inn.
Klima i fokus
I dag gjer unge ein fantastisk jobb med å få politikarane til å ta fleire miljømedvitne val innanfor politikken. Fjerdeklassingane er med på å dra ein stor del av lasset ved å bli bevisste på korleis dei sjølv, familie og venner kan bidra til å ta betre vare på jordkloden.
– Klimadebatten er verkeleg i vinden akkurat no, og då er det ekstra gøy å vere fjerdeklassing! Elevane har gått frå dør til dør. Dei har fått familie og venner med på laget og dei har lagt ut innlegg på sosiale medium i jakta på batteri, seier Vestgren Pettersen stolt.
Tre vinnarar!
1. plassen i år har gått til klasse 4C ved Vigernes skule i Skedsmo som har vunne 30.000 kroner til klassekassen. På ein god 2. plass finn vi 4B ved Vardenes skole i Stavanger som har vunne 20.000 kroner, og på ein herleg 3. plass finn vi 4B ved Eide skule i Eide som har vunne 10.000 kroner.
I tillegg har det òg vorte kåra 18 fylkesvinnarar som kvar vil få miljøfremmande utstyr frå Clas Ohlson.
