GAME BOY
Nintendo Game Boy var særdeles populært då foreldregenerasjonen var barn. Det var nintendospel som ein kunne spele på Game Boyen. Skjermen var i svart-kvitt.
KASSETT
Musikken høyrde foreldra dine frå ein kassett. Det kunne vere musikk på begge sider, og det var stor sorg dersom kassettbandet krølla seg i kassettspelaren. Seinare kom CD-plater.
POPPLES
Desse bamsane hadde ei lomme på ryggen slik at dei kunne bli om til ein ball. Popples var også ein teikneserie som gjekk på TV på 1980-talet. I 2015 kom det ein ny serie om bamsane.
POG
Pog var eit spel med små, runde papplater. Det var om å gjere å vinne motstandaren sine Pogs ved å flippe dei med hjelp av ein slammer – som var ein plast- eller metall-plate som ein kasta ned på brikkane.
TAMAGOTCHI
Dette var som eit slags datadyr som eigaren måtte behandle som eit dyr. Det trengte mat og søvn. Det kunne grine og måtte bli kjæla med. Alt dette gjorde eigaren ved å trykke på nokre knappar.
