På fire bein, lengst vekke

Dette er den andre boka om Store Villsvin og Vesle Rev. Dei to venane reiser ut i verda, gjennom ukjende og framande landskap, og her møter dei ulike utfordringar. Vesle Rev vert mellom anna svært interessert i dei mange glitrande eldflugene som lyser opp nattehimmelen. Han vil ha ei eiga eldfluge! Men går det an å eige ei eldfluge?

Teikneserien er delt i tre delar. Først kjem kapittelet Langt vekke, deretter Lengre vekke og til slutt er Vesle Rev og Store Villsvin komne til havet, som er Lengst vekke. Dei korte bobletekstane er lette å lese. Teikningane er måla i akvarell og er fargerike og vakre naturbilete.