Forskarar ved Biologisk institutt på Universitetet i København har brukt kunstig intelligens til å overvake følelsane til dyr. Då har dei fått innsikt i kva lydane dyra lagar eigentleg betyr, skriv forskning.no.
– Om vi kan oppdage stress eller ubehag tidleg, kan vi gripe inn før det eskalerer. Like viktig er det å fremje positive kjensler, seier eine forskaren.
Kan betre dyrevelferd
Forskarane ser for seg at det kan bli utvikla automatiske, KI-baserte verktøy som mogleggjer at bønder heile tida kan overvake kor bra dyra i fjøset har det.
Ei anna yrkesgruppe som kan ha nytte av verktøyet er veterinærar.
Dyr kan lyge
Den norske forskaren Øyvind Øverli er imponert over studien, men peiker på at vi må hugse på at dyr kan late som.
– Dyr kan finne på å lage ein bestemt lyd, for å oppnå noko hos menneske, seier han til forskning.no
