Unicef glade for meir støtte til menneske i naud

Unicef er ein del av FN som jobbar mot urett mot barn. Dette meiner Unicef Noreg var bra og dårleg med årets forslag til statsbudsjettet.

Kvoteflyktning

Flyktningar Noreg planlegg og legg til rette for å ta imot. Også kalla overføringsflyktning.

Kjelde: Store norske leksikon

LES FAKTALUKK FAKTA

Forslag til statsbudsjettet 2025 blei lagt fram 7. oktober. Forslaget inneber mellom anna ein auke på ti prosent i pengestøtte til menneske i naud.

– Dette er sjølvsagt Unicef Noreg glade for. Det betyr at fleire menneske i naud vil få hjelp, seier generalsekretær Maria Greenberg Bergheim til Framtida junior.

– Svik mot sårbare barn

På den andre sida er Unicef Noreg skuffa over at statsbudsjettet foreslår å berre ta imot 200 kvoteflyktningar. Dette er eit lågt tal samanlikna med dei 5000 kvoteflyktningane FN har bede Noreg om å ta imot.

– UNICEF meiner dette er eit stort svik mot sårbare barn og menneske, og usolidarisk av Noreg, seier Bergheim.