Forskarar har undersøkt matvanane til ulike aldersgrupper i 149 land. Ungdommar og unge vaksne mellom 11 og 29 år hadde dei høgaste utsleppa per person.
Ei forklaring kan vera at unge treng meir energi og et meir kjøtt, mjølkeprodukt og mat med tilsett sukker.
– Dei yngre aldersgruppene et meir kjøtt enn dei eldre. Det gjeld spesielt kylling, kalkun og liknande, seier Bugge til Ung.forskning.no.
Ho understrekar at unge ikkje bestemmer alt dei et sjølve. Både familien, skulen, butikkane, reklame og prisar påverkar matvala deira.
– Eg synest det blir ei veldig forenkling. Og veldig fordømmande. Eg synest ikkje me skal gjera unge menneske til syndebukkar, seier ho.
Bugge har eitt enkelt råd til unge som vil få ned klimaavtrykket sitt:
– Ikkje kast mat.
