Omtrent halvparten av norske ungdommar er med på ein fritidsaktivitet. Det viser Ungdata-rapporten for 2022, skriv Ung.Forskning.no.
Det er færre enn før. Og jo eldre du er, jo meir sannsynleg er det at du sluttar med idrett, viser rapporten.
Tøff konkurranse
I ein artikkel publisert på Forskning.se fortel forskaren Magnus Kilger om kva som er dei vanlegaste grunnane til at barn og ungdommar sluttar med idrett.
Her er dei vanlegaste grunnane:
- Sjølve konkurransen har vorte viktigare dei siste åra.
- For å kjenna seg velkommen i idretten må ein trivst med det, og den tøffe konkurransen passar ikkje for alle.
- Det er større krav no enn før til å vera med på treningane. Samtidig har ikkje alle tid til å vera med på alle treningane. Då blir dei fort hengande etter resten av laget.
– Det gjer at mange sluttar med idrett, seier Kilger.
