Slik fangar du regnbogen med berre to hjelpemiddel

Visste du at du kan fanga regnbogen ved hjelp av ei flaske og sola?

Illustrasjon: Colourbox, Kollasj: Framtida Junior

Slik går du fram:

1: Bruk ei gjennomsiktig flaske med skrukork. Stikk hol i korken og tre hyssing gjennom holet.

2: Hell vatn i flaska, til den er halvfull. Deretter skrur du på korken.

3: No kan du klippa til ei pappskive, av tjukk papp. Den skal vera om lag tre gonger så stpr som botnen av flaska. Kle denne botnen inn i aluminiumsfolie som du rettar ut så godt om råd.

4: Lim så flaska midt på pappskiva, og heng den i eit vindauge så sola skin på den.

5: Når sola står lågt, kan du sjå regnbogen inne i flaska!