Fakta om Suezkanalen
- Suezkanalen går mellom Port Said ved Middelhavet i nord og Suez ved Raudehavet i sør.
- Då den vart opna i 1869, vart reisetida mellom Europa og Asia redusert med omtrent 30 dagar. Tidlegare hadde reise- og handelsrutene gått over land langs Silkevegen eller tatt den mykje lengre sjøreisa rundt Afrika.
- Kanalen er 193 kilometer lang.
- 97 skip kan passera gjennom kanalen per døger.
Kjelde: SNL
LES FAKTALUKK FAKTA
Det store containerskipet som gjekk på grunn i Suezkanalen i slutten av mars, er framleis i arrest der det grunnstøytte. Det er også varene som er om bord i containerane.
No viser det seg at dei er stappfulle av syklar som skulle ha vore på plass i norske sportsbutikkar for lenge sidan, skriv NRK.
Mengder av varer står fast
Minst 80 containerar på skipet skal til Noreg. I tillegg til svært mange syklar, er hundrevis av boblebad, bildekk, vinskap og ris containerfast i Suezkanalen.
Det er framleis uvisst når containerskipet Ever Given kan forlata Suez-kanalen.
Reiarlaget, forsikringsselskapet og Egyptiske myndar er ikkje samd om korleis skuld og kostnader skal fordelast.
