Ninja-figurane har mellom anna vore i korona-karantene, køyrt helikopter, vore i badebassenget og saunaen om bord i skipet og sett massevis av isbrear.
Dei har også fått nærkontakt med selar, då dei hjalp forskarane med å tagga dei.
– Taggane måler salt og temperatur når selane dukkar ned til botnen for å leita etter mat. Når dei kjem opp att på isen for å kvila, vert dataen sendt til oss, seier forskar Elin Darelius.
Kuttar av eit vêrhår
Lego Ninja-figurane fekk også ta prøvar frå vêrhåra til selane.
– Vêrhåra til selane veks heile tida. Ved å analysera dei, kan me sjå korleis mat selane et, og om det endrar seg over tid.
Her kan du sjå korleis prosjektet med selane gjekk føre seg:
