PÅSKEPYNT: Lag pynt av natrondeig

Elevane ved 7. trinn på Bringedalsbygda skule har laga fine tips til påskepynt du kan lage heime. Dei har tenkt at det skal vera mest mogleg gjenbruk og det meste er ingrediensar du har heime frå før. I dag får du vite korleis du kan lage påskepynt av natrondeig.

Du treng:

  • 2,5 dl natron
  • 2,5 dl. maizena
  • 2 dl. vatn
  • Panne
  • Bakepapir
  • Akrylmåling
  • Sytråd

Slik gjer du:

  • Bland alle ingrediensane i ein kjele og kok opp.
  • La det putra på svak varme til deigen får konsistens som laus potetmos. Rør heile tida.
  • Tøm deigen over i ei skål.
  • Dekk deigen til med eit vått kjøkenhandkle og la den avkjøla.
  • Kjevle deigen ut til den er passe tynn. 
  • Form figurar i dei formene du ynskjer.
  • Hugs å lage hol til tråden som dei skal hengjast opp med, før dei tørkar heilt.
  • Legg figurane på eit steikebrett og la dei tørke til neste dag.
  • Mål mønster på figurane og heng dei opp i ei fin grein eller i eit vindauga.